唔知點解驚蟄忽然要讀成「京窒」，亦唔知同言論自由或新聞自由有冇關係，但近日「自由危機」日日見報，係咪被扼殺？大家睇下蛛絲馬跡！
　　事件1：電台炒了被形容為「小爬蟲」的主播，背後資深傳媒人完全不作交代，只以「君子相分，不出惡言」推搪。
　　事件2：大報撤換總編，冇商冇量，引發報業員工齊齊擔心染紅。
　　事件3：明報前總編劉進圖遇襲，令人震驚，全城憤怒，政界左中右不同派別都話不能容忍，叫警察盡快拉人。
　　劉進圖事件對新聞界係血光恐嚇，刀手在近，邊個唔驚？全城強烈譴責兇徒暴行之餘，亦一致認為與新聞自由有關。如果話唔關新聞自由事咪即係「此地無銀」？因為邊個話冇扼殺新聞自由，邊個就有幕後黑手嫌疑！
　　究竟是「真理在胸筆在手，無私無畏即自由」，還是「真理在空不在手，事事旦旦即自由」？
　　事件4：自由行傾向以購物為主，本港多區迫爆，普羅市民未見其利，先見其害，港人衣食住行面對強大壓力，物價和樓價被推高，促請政府檢討香港的承受能力。特區政府無反應，最終要麻煩全國人大常委會委員長張德江開口！
　　事件5：有人批評港人「身在福中不知福」，搞佔中製造動亂，中央照顧香港人，豁免稅項、供應物資、開放自由行，皇恩浩蕩。年輕人視若無睹，因無經歷戰火苦難，不知和平可貴，竟搞出拒絕大陸遊客的「驅蝗行動」！議員要求立法會通過徵收入境稅是混帳！
　　事件6：選舉委員會的「廣泛代表性」就是民主，代表香港公民。如果要另闢蹊徑，堅持「公民提名」或「政黨提名」，繞過提名委員會的普選是「鏡花水月」，諮詢變空談，不會有共識。

　　大家要記得長官的教訓：「香港人唔好未富先驕。」潛台詞係咪：唔聽話就要食西北風！
　　你懂不懂？

文章回應 (0 個)

留言